Folksonomia

Folksonomia egitura hierarkizaturik gabeko izenen antolakuntza eta pertsonen elkar laguntzan oinarritutako antolakuntza da. Antolakuntza hau etiketen bidez egiten da, informazioa ordenatu eta klasifikatuz. Bi Folksonomia mota bereizten ditu Thomas Vander Walek-en iritziz: estua eta zabala. Folksonomia ikus genezake del.ici.ous, Flick, Tagzania eta horrelako hainbat web orrialde sozialetan.

Etimologikoki begiratuz Taxonomia hitzean oinarriturik dago. Hitz hau folk ((volk) herria alemanez), taxis (sailkapena grekeraz) eta nomos (ordenatu edo kudeatu grekeraz) eratzen dute, hauk batzean herriak sortutako sailkapena osatzen dute, hots, folksonomia.

Erabilitako materiala:

• “Folksonomia.” Wikipedia, Entziklopedia askea. 6 Urr 2008, 08:59 UTC. 16 Aza 2008, 17:22 <http://eu.wikipedia.org/w/index.php?title=Folksonomia&oldid=869299>.
• “Folcsonimía (sistemas de clasificación colectiva).” El Documentalista Enredado. 16 Urr 2007. 16 Aza 2008, 18:30 <http://www.documentalistaenredado.net/567/folksonomia-sistemas-de-clasificacion-colectiva/>

Euskadi ala Euskal Herria?

El Correon irakurri dudan berria guztiz harrigarria iruditu zait. Zenbait futbolarik ez dute Selekzioaren partida jokatuko hau Euskal Herriko Selekzioa deitzen ez bada. Hori irakurtzean aho zabalik geratu naiz eta Euskadi eta Euskal Herriari buruzko ezberdintasunen bila jo dut Lur Hiztegi Entziklopedikora, ni usteak argitu nahian. Bertan dio Euskadi hitza Sabino Arana Goirik etimologia oker batean oinarrituz eratu zuela (euzko + di). Arana jaunak hitz honekin Euskal zazpi probintziak izendatzen zuen, baina gaur egungo erabileran EAE edo Hegoaldea izendatzeko erabiltzen da.

Beraz, alde batetik uler daiteke selekzioaren izenaren aldaketaren jarraipena, gaur egungo Euskadiren erabilpenean oinarrituz gero noski. Baina, Selekzio hau 1930. urtean sortu zen, beraz oso ulergarria da Euskadi hitzaz izendatzea, orduko esanahia baitu eta.

Hala ere, nire uste apalean, futbolari talde horren egin beharra ez da Euskal Selekzioaren izenaz arduratzea, haien lana betetzea baizik, hots, haien taldeen markagailuei golak eranztea. Ez baitut uste gure talde guztiek golak soberan dituztenik. Nik neuk ez ditut garbizaleak gogoko, baina kasu honetan 1930ko izena gordeko nuke, hau baita gure hizkuntzaren historiaren zati bat.

GORA EUSKAL SELEKZIOAK!!